Ala-ala Sa Awiting Ito.. TILA

Tila by Lani Misalucha

Tila inulan ang puso ko

Nang nalamig ang 'yong pagsuyo

O bakit nagbago ang 'yong pagtingin

Parang malamig na panahon

At nang ikaw ay kinausap ko

Habang ang ulan ay bumubuhos

Nakita ko sayong mga mata

Na gaganda din ang panahon

Chorus

Tila hihina rin ang ulan

Tila lilipas din ang bagyo

Kahit madilim ang kalawakan may nagtatagong

Sinag sa ulap

Tila inulan ang puso ko

Nang parang naglaho ang pagibig mo

O bakit ka kaya nagbago

Sinlamig ng panahon

Chorus

Tila hihina rin ang ulan

Tila lilipas din ang bagyo

Liliwanag din ang kalangitan

At ang araw ay sisikat nang muli

Bridge

Ang karimlan ay haharapin

Matatanaw ko rin Bughaw na langit

Umaasang ang pagibig mo ay magbabalik

Pawiin mo ang lungkot sa puso ko

Kahit madilim ang kalawakan

May nagtatagong sinag sa ulap

Chorus

Tila hihina rin ang ulan

Tila lilipas din ang bagyo

Liliwanag din ang kalangitan

At ang araw ay sisikat nang muli...

Ang kanta na ito ang paulit ulit kong naiisip at inaawit sa buong araw. Ewan ko ba kung anong ibig nya pahiwatig. Naalala ko ang isang kasama ko sa bahay namin. Gusto na nya umuwi ng Pilipinas, wala pa kasi syang makuhang trabaho at kung meron man halos kapareho lang din ng sweldo nya sa Pinas. Nagdadalawang isip sya kung uuwi ba sya or magstay dito sa Dubai. Mahirap tanggapin at isipin na nabigo sya dito. Tulad ng ilang mga naging kaibigan ko na hindi pinalad sa pangakong trabaho ng Dubai. Si Kuya Alex at Michelle. haay nakakamiss din sila. Laking pasasalamat ko na rin at pinalad ako dito sa tulong na rin ni Lord. Naalala ko isang taon na ang nakakalipas..... Umiiyak ako dahil wala pa rin akong trabaho at ang pera ko na lang ay 100 na dirhamo. Di ko alam kung saan ako pupulutin. hehe. Pero pinagkaloob ni Lord tong work ko. Salamat talaga. Ngayon bayad na ko sa lahat ng aking mga pagkakautang at nakapagpaayos na rin ako ng bahay namin. Masaya na rin ako sa kabila ng mga panahong pakiramdam ko ay bigo ako ay dumadating ang tulong. Kay buti talaga ni Lord. Blessing sa akin ang lahat ng nasa akin ngayon.

Tulad ng awit na ito. Sa bawat pag ulan merong bahagharing naghihintay sumilay. Sa buhay natin may katapusan din ang lahat ng problema. Basta ang mahalaga ay wag kang mawawalan ng pag asa at pananampalataya sa Kanya. Hinding hindi nya tayo papabayaan. Sa bawat pagsubok may kapalit na kaligayahan. Hihina rin ang ulan kaibigan.. at sa bawat pag ulan... magsaya ka dahil mas maliwanag na araw ang sisilay sa kalangitan...